Emɛ lɛ ewa Xwela lɛ ? Xɛ ewa mwɛn ɖé ?
Xwela lɛ e wa togun ee dá iɖɔ ɖé mɔnɔ e kanɖomɛ lɛ. Ee sa osin do ehɛn lɔ e tɔkpa lɛ gbɔn mɔ trɔ do. Ee bizo, mɔ ɖo titomɛ lo sɔn tɔji. Ehɛntɔ exe xo mi nɔ lɔ ɔ, e wa itɔ gbekpan lokpo ɖé itɔ mɛmɛyi ee ɖé benɛ tomɛ lɛ mɛ. Mì la mɔ xwela lɛ ɖé igletoxo susu mɛ : Gɛnzɛn, Gɔngɛ, Sɛgbohwɛ, Ajatɔkpa, Tɔkpadomɛ, Akɔdeha, Wɛɖɛmɛ, Sɛhɔmi etc.... Mi kpɔn iyɛ wiwli ee ɖé ido exe lɛ ji.
Ehɛntɔ gɔdo inu mɛmɛyi exe e ɖé emɛ lɛ
Xie e wa mɔ xwela lɛ ɖé we
Kɛn egbɛkpikpli xwelagbe la sɔn nukɔn jɔɖo we
Mi yi egbɛkpikpli lɔ ɖote nɛ a mi lo na nukɔnsisɔn gɔdo kpinkpɛn wu Xwelagbe.
Enɛ e wanu mi lo sɔn la mɔ egbɛkpikpli kɔsumɔdona ma ɖo nugbɛn do emɛ wiklifu benɛ, mɔ lo yi egbɛkpikpli lɔ ɖo awan ɖe jokunsun mɛ ɖe ixwe-akpo-owe-ko-kun-owe mɛ (juillet 2022).
Ɖe ixwe-akpo-owe-ko-kun-otɔn mɛ ɔ, wiklifu do olɔ wu mí, mí mɔ yi emɛ atɔɔn do idɔn lɔ ji. Eyɛlɛ e wa igbemɛɖetɔ lɛ. Gɔdo igbemɛɖetɔ enɛ lɛ ɔ, mí ɖe biblu e gɔnmɛ lowa xwelagbe mɛ. Mí wa idɔn gɔdo kɔmɛga lɛ, xɔlu lɛ, agun nukɔnnɔtɔ lɛ gɔdo agunvi lɛ tɛtɛ. Mi gɔ wa idɔn gɔdo xwelavikpɛ lɛ.
