Idodindin na inu ɖe xwelatomɛ
Inu exe mi din ido na ɖe xwelatomɛ ɖe ixwe akpo-owe-gɔdo-ko-kun-otɔn (2023) mɛ lɛ wé e :
- Yiylɔ hwɛndomɛtɔn lɛ
- Iku xo ɖe xwelatomɛ
- Ojru lɛ gɔdo olo lɛ
- Yɛhwenuwiwa ɖe xwelatomɛ
Idɔn exe mí wa ɖe ixwe akpo-owe-gɔdo-ko-kun-enɛ (2024) mɛ lɛ wé e :
- Amukɛn e ɖa xwela e inuɖuɖu lɛ ɖo ?
- Okɔ exe e ɖe xwelatomɛ lɛ gɔdo ee xwixwlé lɛ
- Ivi ɖiɖetɛn e inuwiwa lɛ, icwɔ e inuwiwa lɛ gɔdo mɛnɔ ɖiɖi e inuwiwa lɛ ɖe xwelatomɛ
- Olɔwiwli e inuwiwa lɛ
- Ehɛntɔ e inuwiwa lɛ
- Xwelatomɛ e elélilé lɛ
- Ojru gɔdo olo lɛ
- Xwela lɛ e itan
- Yɛhwenuwiwa gɔdo sinsɛn lɛ
WEMAKUN GƆDO XWELA SUKLUSINSƆN
Ɖe xié ɔ, gbɛta exe e kpe okun do wemakun gɔdo ixokun lɛ go ɖe egbɛkpikpli lɔ mɛ kpa wema ee kplɔn inu wu emɛ do ixokun lɛ gɔdo wema kun lɛ go lɔ. Ɖe azan vilemɛ tɛn ɔ, e la ɖe wema exe wa kplon inu wiwlan gɔdo inuxixlɛ wu emɛ lɔ tɛn. Idɔn ibu lɛ fé de te kpɔn mi : xwelasuklu huhu, azanlilɛnwema ixwe akpo-owe-gɔdo-iko-atɔɔn (2025) etɔn bibayi do xwelagbem, lwiki e ewɛnɖagbɛ wema wiwlan do xwelagbemɛ, ojlu lɛ gɔdo olo lɛ wiwlan do xwelagbemɛ.
IGBEMƐƉIƉE
Xié ɔ, igbemɛɖetɔ lɛ ɖe Biblu egɔnmɛ lowa xwelagbemɛ.
Ee ɖe Lwiki e wema lɔ tɛtɛ e gɔnmɛ lo wa xwelagbemɛ, iga lɛ mɔ kpwɛn mɔ wa idɔn ɖe ego mɔ yi igbe na. Ee gɔ ɖe emɛɖolohlan lɛ e wema e gɔnmɛ lo wa xwelagbemɛ, é mɔ ɖe iga lɛ kɛ. Ée go yigbe na gba é. Egbé tɛn ɔ, mí ɖe Maki e wema ji.
IDƆN EXE MAWUXO LƆ WÁ WA LƐ
Ɖe xie ɔ, igbemɛɖetɔ lɛ ma Mawuxo lɔ do Wazapu, Fesibuku, Yutubu, kati memwa gɔdo kle lɛ ji. De azan vile mɛ ɔ, mí la ma ɖe Radio fe ji. Mí hu bibɔ susu do agu lɛ ji e mɔ ɖoto Mawu xo lɔ do xwelagbe mɛ. Mawuxo lɔ wa idɔn ɖe xwelavikpɛ lɛ mɛ taŋu. Zan tɛn ɔ, mì la yi Lwiki e wɛnɖagbɛ e wema e agban owe lo kpa ihan
OKANCICA GƆDO ITONUKUN LƐ (AGUN LƐ, TOGA LƐ, XƆLU LƐ)
Xie ɔ, mí bayi bibɔ gɔdo agunnukɔnnɔtɔ lɛ, enɛ godo ɔ, mí mɔ wa e agun lɛ ji mɔ we ɖe idɔ exe mí nɔ wa lɔ e gɔnmɛ na agunvi lɛ. Mí mɔ bayi etɔnɛ ɖe agun susu mɛ. Mí gɔ sɔn la mɔ wɛɖɛmɛ e kɔmɛ ga, akɔdeha e kɔmɛ ga, gɔdo iga owegɔ ee bɔdo comɛ e kanɖo e ga
XWELAVIKPƐ LƐ E NUKƆNSINSƆN
Ɖe xie ɔ, mí yi emɛ nɛwlɛn lɛ lo bayi iga mɔ kplɔn inu wu i do kɛn e wa kpego mɔ hun bibɔ kleŋu kleŋu lɛ do e agun lɛ ji, e mɔ lo do ojɔ́ ee jro e lɛ do kpwɛ mɔ lo mɔ ixwa ji. Eyɛlɛ fe mɔ sɔn la bayi do eji. Bibɔ kleŋu kleŋu ee ehun lɔ lɛ mɔ ɖe ite kpɔn idɔn kpinkplɔn lɔ e ganmɛ. Mí gɔ bɛkpo nɔ hun bibɔ lɔ ibú lɛ
IDƆN LƆ MƐ E IDƆN LƐ
Mí sɔn iga ee kpa acɛ na mí lɛ e bibɔ
Mí sɔn ixwe lokpolokpo e titomɛbibayi e bibɔ
Mí ɖo sunzan otɔn otɔn e igbe lo hlan iga lɛ
Mí bayi ixwazinzan e kɔnta lo xlan wiklifu
Mí kpé okun do idɔnwanu idɔn lɔ mɛ tɔn lɛ go
Mí ɖó mí zunzan lokpolokpo e titomɛ lo hlan wiklifu
Mí ɖó mí kwasiɖa lokpolokpo e titomɛ lo hlan wiklifu
Mí ɖó mí titomɛ sunzan otɔn otɔn tɔn lo hlan wiklifu
Mí kpé okun do sunzan lokpolokpo e titomɛ bibayi go
EGBƐZINZAN ƉE GBIGBƆMƐ
Igbemɛɖetɔ lɛ sɔ́n vahɔ jɔ owe ɖe ixwe lokpo mɛ. É báyi lokpo ɖe eɖelɛ mɛ, mɔ bayi lokpo gɔdo egbɛkpikpli lɔ e iga lɛ. Ɖe joɖa tantɛn ee ɖe sunza lɛ tɛtɛ mɛ lɛ gbe ɔ, agun lokpolokpo xo eɖɛ do idɔn lɔ e takunmɛ. Mí gɔ́ wlan eɖɛgbe mitɔn lɛ lo xlan agun lɛ ji, emɔ xo eɖɛ na mí. Mí xo eɖɛ klɛmɛ tɛgbɛ foto lo tɔ idɔn ji. Mí gɔ blanu mɔ xo eɖɛ ɖe suzan fifo lɛ tɛgbɛ.
